Untitled 1
تابعونا عبر تويتر تابعونا عبر فيس بوك

الإهداءات
إضافة إهداء



إضافة رد
 
أدوات الموضوع إبحث في الموضوع انواع عرض الموضوع
  #1  
قديم 10-07-2012, 08:05 PM
الصورة الرمزية روعة احساس
روعة احساس روعة احساس غير متواجد حالياً
 
تاريخ التسجيل: Jun 2012
المشاركات: 2,168
افتراضي اشعار عراقيه حب زعل عتاب فراك تفوتكم


نسيتك وانتهه كلشي ويــــــاك
وبعد اثار حبك مااحس بيهــــن

وطيبت الجروح البيه خليتهــــن
...وبديت جروحي بأبعادك اداويهن

لملمت دمعي وحلفت انســاك
وكل صفحات العشك وياك أطويهن

واذا ضنك لاويتني بخيانتك هاي
اني اصلا ادينك من كبل لاويهن

ادك بيبان الوفه ارد اسأل عليك
يفتحلي باب الغدر والكاك ماليهن

شكم ليله مرت بالحزن وحدي
وتخيلتك سمج بالبحر صايديهن

علمت نفسي على فراكك دوم
وكتله يا كلبي نيرانك اطفيهن

وحلمت بدنيه سعيدة انته مو وياي
وفرحت باحلامي لان صورتك مابيهن

واذا شفت الليالي ردتك فد يوم
اوصيك سلملي عليهن من تلاكيهن

واذا مريت للاشجار الجمعتني وياك
سميتهن بأسمك أمسح اساميهن

تذكر من جنت اغنيلك اغاني الشوك
بعد ارجوك ماريد بصوتك لا تغنيهن

وطيور الحب لا تنسه توكلهـــــن
وشكد ماتكدر اريدك دوم تداريهن

وفن ليه وانته حبيبي وما وفيت
ونكرت كل خيراتي الجنت اسويهن

نسيتك بعد ومات حبك بكلبي
وبديت طعناتك بضهري اشافيهن

حرامات الكمر شكد سهرته وياي
والنجوم الي ربك بالسمه محليهن

فرحن من عاينني اضحك وياك
وصدكوا ضحكتك تتمضحك عليهن

حاولت اذكر حروفك ماطلعن وياي
عاندني لساني مايرضى احجيهن

من شفتك كبل مثل ورده وياي
عفت الورد كله وماشميت بيهن

ومن شفتك تهدم الي بنيته وياك
بعد دمرت الليالي ليش اني ابنيهن

وحتى الايام المره ماتت اليوم
وبقت ايام حلوه اني احييهن

اسأل كلبك هم عرف يوفي وياك
علمه بس يوفي وخطواته يمشيهن

صحيح بجيت من شفتك تــــــروح
وبديت دموعي بخدودي ارثيهـــن

عبر عندي الدمع فوك الجفن وياي
وحاولت اوشل بدموعي واجفيهن

وبدل ماابجي فكرت اضحك اليوم
نزلت دمعات الفرح وهلهلت بيهن

وجلبت بأمل ارجع من جديد اوكف
وانسه عشرتك وطيوفك امحيهن

واذا عاينت اصابيعي دكت البيبان
اني اقسم بربك اله اجويهـــــــن

................................................

صدكت الحجي كالولي راح تعود
وتانيتك تجيني وماعدت ليــــــه

نطرتك واني ادري بالنهاية وياك
وكلت بلكي يكون لجيتك نيــــه

...اصبرتلك سنة وشكم شهر ترجع
تالي مليت وكلت بعد هاي هيه

بس ردت اكلك اني ماانســـــاك
وراح ابقه احبك لاخر نفس بيـــه

وردت اكلك دنيتي بدونك ضــــلام
واحلامي كئيبة ودنيتي مو دنيتي

اشتاقيتلك ماعرفت شلون احاجيك
وصل عندي اشتياقي ميه بالميه

.................................................. .

أثلمت كزاز كلبي وخليته مجروح
هم شايف كزاز يون من جروحه

...كلبي كزازه وانته بداخله الـــروح
هم شايف بشر يتخله عن روحه

اضمك وين اضمك كلي اترجــــاك
على وجنتك عيون الناس مفتوحه

أصير كتاب كلي من تتلاكه الوجــوه
واكلك سهلة دروسك وكلهه مشروحه

تصعد عالظهر تلعب لعب بيــــــه
دبج عالسطح سويني مرجوحة

ماكلك مليت أتعبت كافي شبيـــك
شتسوي راضي وبس الك مسموحة

اذا طعمك عسل خليني اضوكن بيك
واذا طعمك ملح تعجبني الملوحـــة

واذا انته جبل خليني اصير سفوح
وجذاب الجبل لو يترك أسفوحــــه

الله من خلقك فصلك علي تفصال
وجمالك بس الي ومحد أيلوحــــه

مو كل ورد يعني عطره أيفـــــــوح
انته اصل الورد وعطرك أيفوحــــــه

طير اني صرت اسكن بالبيــــــوت
واموتن من اشوفك ماتصعد سطوحه

تمر باحلامي وصورتك تنشاف بوضوح
بس كلبك ما بين ويايه وضوحــــــه

وازعل منك واريد اتعاتب ويـــــــــاك
بس ضحكتك خلت زعلتي مفضوحه

شوف ابن ادم يصنع بايده اللـــوح
ومن يموت راح يشابكه لوحــــــه

لذلك فرحتك وزعلتك وياي جنـــة
وراضي بالكلب لو منك جروحــــه

..................................................

جم مرة الجرح بالعشك يكــبر
وجم مرة اشوفه ينزف الــــدم

واضمد بالجرح حسبالي يزغــر
...وكلت بلكي يطيب وشويه يلتم

ابنيلك بالعشك حبي وحناني
وانته بمحبتك الي كلشي تهدم

انطيتك وردة حتى تذكرني بيهه
وانته بورد الشماته صرت تشتم

كبل جانت شوفتك تنسيني همي
وطعم شفايفك احسهن ماي زمزم

وهسه مقتنع صرت انته ماضي
وبعد للماضي صدكني مااهتــم

مو كتلي راح تنسه همك وياي
شو هسه بشوفتك يكبر الــهم

اه يادمع عيني الماوكف لحظة
واه يافرحنه الي ماشفته تـــم

مو كتلك يكلبي يتعبك ويــــــاه
ليش تعاندني ومني ماتتعلـــم

من شافك ملهوف دوم اعليـــه
كام يعزز بروحه وبيك مايهتــــم

انته بالنسبة اله لاتهش ولا تنش
وجودك او غيابك صار مثل العدم

وبعد كل المحبة الي بكلبي اله
عظيت اصبعي وبده ياكلني الندم

انه بأيدي دمرت نفسي هواي
وانه بأيدي خليت بيتي أنهجم

...............................................

امس اهتزن دموع العيــــــــن
وامس ماوكفت لحظة رياحي

وامس ناديتك بخفة الصــــــوت
وترجيتك تجي وتشافي جراحي

وينك ماتجي وتشوف حالــــي
مو انسدت بوجهي كل النواحي

ايامي حزينة وممله بدونــــــك
...مثل طير وكسرت الدنيه جناحي

يكولون التحبه بالحلم ينشـــاف
شو اني اشوفك حتى من صاحي

وينك ماتجي ماتسمع الصــوت
أكبور البنجف سمعت صياحــي

بعد مااتحمل اعيش بسجنك هواي
اذا انته ناسيني اطلق سراحــــي

لتخليني متأمل باجر وعكبة تعود
لان انته بخيالي ضهري وصباحي

وحتى الليل صاير يتعاند ويــــاي
من انته تمرلي وتفزز اشباحي

كظيت الليل سهران واتاني بيك
وصدكني الدمع صاير سلاحــــي

..................................................

عرفتك يالعشك مو انته ويــــــاي
وبين وجهك كبالي واتضح تمثاله

...من مر بيه الوكت صرت انته سجين
وانه بسجينتك شو صرت حدالـــــه

اهمست بأذني وكتلي اني ضواك
ومن ضلمت دنيتي مشعلت لالــه

نخاك الكلب كلك اوكف ويـــــاي
شيصير لو بشكم كلمة تنخاله

عرفتك يالعشك تضحك عليه تريد
وخليت الكلب وياك ينكلب حالــه

تقشمر بالدمع حتى يهز غيمه
ومن زخت المطره كتلي هنياله

كبل كالولي العشك مايخذل العذال
بس بهذا الزمن شو خذل عذالـــــه

وكبل وصفولي العشك أيطيب المجروح
شو بس حب الكلب تبهذلت احوالـــــه

نام يكلبي بعد لاتحب احســـــــن
لان هذا العشك يمكن حطك أباله

لمن تضب حبلك على احبابــك
يكولون قاسي ومايرخي احباله

واذا رخيت الحبل مايقدورك زيـــن
ويلعب بيك لعب لان الحبل رخاله

لك ياعشك فهمني شنو الموضـــوع
يمته تريحني وتبطل سوالف الدجاله

ويمته تفرح ناسك بدنيه فرح
وضميرك يعوف الغدر ويصحاله

يمر بينه الزمن واحنه نصفن بــــي
وعلى نيته الكلب ماخذ العشك مثاله

لذلك صرت احس بجرحك يكلبي
وادري بالدمع شكم مرة بجــــاله

بنيت امال وكلت الدنيه تتغير وياي
بس لاحظت الكلب اتحطمت اماله

ومن اكتب شعر مو اكتبه وارتـــــاح

ولكن كلبي يفرح من هالشعر اقراله

وعلمته المحبة شلون يلفظــــــهه
وبديت كلمه كلمه بالشعر اتهجاله

بعد ماكو عشك ليش اني مهموم
اذا كلبي ماقصر وبكلشي ضحالــه

واذا شفت العشك بيوم واكفلــي
يعني من صدك باجر تطير الفياله

ويعني من صدك باجر يجي رمضان
وبكل صلافه عين باجر يبين هلاله

..................................................


دمع بعيوني مني مستحي وخجلان
يكلي انزل لو راح ابقى بعيونــــــــــك

...يعرفني شايل بس جروح هـــــــواي
وما طابن جروحي ولهسه مجنونك

كلمة كلتهه علي ماطلعت ويــــــاك
ضلت بطرف اللسان وردتهه اسنونك

دمع بعيوني حاير ألمن ابجــــــــي
على دنيتي لو على عشرتي بدونك

كالولك عليه مو خوش انســــــان
وحاولوا بكل الطرق عني يبعدونك

بس ضليت وحدك بكلبي يفلان
مهما حاولوا ورادوا عني يفرقونك

دمع بعيوني يسالني تالي وياك
راح تضل تحبهم وهمه ميحبونك

ولا فكروا باي طريقة يرجعون وياك
وانته تحرك بدمك والدمعة بعيونك

ماحصلت منك اني بس نظرات
والي غيروك عليه تره ميفيدونك

يوم الي اشوفك بي افرح هواي
وانته حتى بالجذب متكلي شلونك

ماكتلك اني كل واحد بدربه يروح
بس خلي كلبك يتاكد لتظن أخونك

ومهما حاولت تبعدني انته عنك
موتني بيدك وما اكدر اعيش بدونك

مرات افكر ليش هيجي بيه كرهوك
وليش مثلوا دور البراءة حتى يخدعونك

بس صدكني دنيتنه تغيرت يفـــلان
وماكوا الصديق الي بصداقته يصونك

بس جان المفروض ماتسمع حجيهم
ولو تحبني متخليهم عالفراك يجبرونك

مع كل هذا انته مشيت وره كلامهم
شكرا الك ماقصرت واني ممنــــــونك

.................................................. ........

هنياله اليعيش بدنيه اغـــــراب
لادوخه حبيب ولا كلب مجـــروح

...وهنياله اليفكر ينسه ماضــــيه
وما يبقه يشابه ونه المذبــــوح

اكبر غشيم الي يكول مرتـــــاح
وحرام يبقى كلبه للدنيه مفتوح

وصعب كلش صعب ينجرح كلبك
وترفع راسك وتحاول تضمد الجروح

ولكن ماشفت واحد سكن كلبي
الا اول حبيب مثل النفس بالروح

كلشي يهون علينه الا الحب الاول
صعب تنساه وبسهوله تعوفه وتروح

اتغازل ويه الهوه من يحضن انفاسي
واكول انساه وكلام العين مفضـــوح

احاول ارسم احبك بريشه حمامــــة
واصيرن طير تسكن باحضان السطوح

لذلك كلما اكولن خيالك تركني وراح
تمر باحلامي وصورتك تنشاف بوضوح

على دنيه امل كمت ماميز حروفك
وعلى بيبان الكلب دكت طيفـــوك

نسيت وصدكت ان انته ماضــــــي
وكلت متشوفني ولا اكدر اشوفك

وانطيت لنفسي فرصة ابتعد عنك
بس كلما ابتعد تلزمني أجفوفـــك

صرت طالب وبدرسك ماصحت مليت
وكلما حاولت اطلع تحضني أصفوفك

كالولي عوفه كلت صعبة هـــــواي
شلون اتنفس اذا حاولت اعوفـــك

تدري بجيتك احس بمكه يمـــــي
وصدكني اموتن اذا تناسيت اطوفك
.................................................. ...

اشكيلك هموم كلبي شيل انته وياي
بلكي تحن عليه وينكسر كلبـــــــك

ولو جربتك اني بأقوى من هـــــــاي
...شفتك ماتواسي اليحبك وبعد ماجربك

حسبالك غشيم وماافهم المقصود
لا اني افهم بس حتى ما ريد أتعبك

شكثر تعذب بيه واني مغلس وياك
هم حسيت بيه بيوم اني أعذبـــك

أشكيلك همي هسه وباجر يحس
بعت أحساسك وبعدمتخاف من ربك

صرت من تلتقي بيه صدفه بطريقك
اشوفك أدير الوجهه وتغيره الدربك

أعاين عالصلافه البيك ماصدك انته
بس والله دنيه الخلتك تنكر محبك

اني الي اعرفه جنت ماعندك اللسان
هسه اللسانك طول وبعد ماأعجبك

بس لاتنسه ماراح ابقه طيب وياك

ومثل متسبني كدام الناس انه اسبك

واذا بوجهي تكشف اوراقك وتلعبني
لتخاف اني كد المسؤوليه واكدر ألعبك

انته كل ضنك راح أكدر انسه طعناتك
بس صدكني بنفس الطعنه راح اضربك

وراح اخليك تتمنى الايام الحلوة تعود
وراح انسيك يمينك من يسارك من غربك

مثل ماذليتي وذبيت عالجرح ملحك
وشوفتني نار الغدر يطلع منهه لهبك

.................................................. .....

شكثر صعبة من التقي بيــــك
وشكثر صعبة من اعيش بدونك

راح افهمك ليش هيج اني وياك
...حتى اريحك وتبرد شويه ضنونك

بديت وياك خطوة خطوة بالحب
وانته شفتني غمضت عيونـك

وفتحت عينك على غير انســان
بس مثل ماعفتني همه عافونك

جنت مااعرف شنو معنى خيــانة
وجانت الخيانة تصيحني وماخونك

ردت أبين شكد الك اني وفيــــت
وروحي وكلبي شكثر ولك حبونك

بس شفت انته ماتحسبهه صحيح
لان جذبك والخيانة بالقهر ذبــونك

جنت اصبر روحي من انته تجـــذب
وجنت اصدكك بس ناسك يجذبونك

جنت من تتعب على الراحة اشيلك
وانته ولا مرة شالتني أمتونـــــك

من تسلم بعينك النار تشتــــعل
وعلى نيتي اسلم واكول شلونك

كمت أصبر كلبي واتحمل عــذابك
وادري ياكلبي همه شكثر غثونك

كلت ميهمك لاتنغث وتحزن عليهم
لان ذوله بعد لتضن بيوم يفيــدونك

مثل سجينتك الجنت تجرحني بيهه
الي حبيتهم بيهه راح يجرحـــونك

وعلى دمعي البجيته ومارحــمته
هسه همه مثلي ما يرحمونـــك

جنت ادفع بيك غالي وانته رخيص
بس الي حبيتهم برخص باعونك

انته ماتسوه انزل دمعي عليـك
لان دمعي مايساوي يعيونــــك

ولا تسوه نضرة من عيني تحييك
موت احسن وخلهم همه يدفنونك

جنت من جسمي اكصلك من تجوع
وبس أجيلك شو تظم ماعـــــونك

وجنت غركان بغرامك هالسنـيين
بس اتمنى تغرك وكلهم يطلعونك

وبالسجن حاكم عليه مااشــوف
بس طلع من السجن مسجونك

جرب انته وبالسجن حاول تعيش
عود خلي ناسك همه يبـــرونك

كلمة كالولك عليه شو صدكتهم
والله الهم تأثير وكدروا يقسونك

مبروك عليك انته الفزت وانتصرت
ومبروك لاحبابك لان كدروا ينسونك

بس لاتفرح بدنيتك هاي وتهلهل
مثل مامسوني بحجايه يمسونك

ومثل ماغشيتني بكلمة أحــبك
بنفس هاي الكلمة راح يغشونك

خليتني أمشي عالجمر حـــافي
باجر احبابك هم عالجمر يمشونك
...............................................

سم الحياة اذا مر يوم مااشوفك بــــي
أصبح كلش حزين وتوكف بعيني دمعة

وتنطفي كل الشموع بعيني من تروح
...وما تضوي بطريقي غيرك ولا شمعـــة

سم الحياة صارت والنجم يحزن ويـــاي
شاف الحزن بعيني ومابقت بي لمعة

سألني عنك الكمر كلي شبيك حاجي
و طلب مني هذا الشعر الك أسمــــعه

كتله يجوز بعده مامفتهمني زيـــن!!!!
لذلك يصعب عليه بكل سهوله أقنعـــه

يمكن ماكلتله للحظة هاي اني احبــك
خاف يضيع من أيدي وبعد مااكدر أرجعه

بس ماراح اضل طول الوكت هيج وياه
أقتربت الايام وراح يكلام الغزل أشبعه

جنت شايل حمل بصدري حيل ثكيــــل

بس حجيت الي بكلبي وراحت الوجعه

يالعطرك انته مثل عطر وردة ونبع ريحان
ويالشفتك عسل وبيك تتغازل النبـــعه

طير انته وحطيت على غصن كلبي
وغارت منك الحمامة و طائر البجـــعة

انته ذهب اصلي وغيرك مايساويــك
وأي ذهب يصير بعدك اعتبره خدعه

الك بالدنيه هاي بستان من حبـــي
وأشوفك تحصد ثمر حبنه وبي ترعه

وحديقة ورد تكبر من لمسه أيـــدك
ومثل اسلوبك وياي ماكو أبد مرعــــه

كون انكلب دستور واحكم دنيتك بيدي
وكل قانون يصير ضدنه لاجلك أشرعـــه

وابني عالجسر خيط واجلب بــــــي
واشمر نفسي اذا حبك كتلي اودعه

.................................................. .......

غالية محبتك ولك وبفلاة العيــن
وكل ماي البحر مايوصف غيابــك

أمر بيك واكولن شلونك حبيبــي
...أضل اعاين يمته تفتحلي بابـــك

كل زعله بالكون لازم الهه اسباب
عكس زعلتك ماتنطيني اسبابك

شوف اليحبك شكد ميت علـــيك
وانته أبد بالجذب ماتذكر احبـــابك

لا تزعل ولك مليت من الزعل وياك
يخلص شبابي وانته تفرح بشبابك

هيجي العمر يذبل مثل وردة شوك
وهمك عليه صار يتغطى بضبـــابك

زاعلني كلبي مايقبل ابد ينساك
كتله شسوي هوه متقصد عذابك

لك الزعل ليش ترضى بي يفرقنه
عاتبتك حبيبي بس ماينفع عتابك

صارت تجيني اشباح من افكر بيك
تحيط بيه أذا أبيوم اصبح ســــرابك

عين بعين تخزرني ولك نضـــــراتك
تنفعل كدامي واني اسمع خطابك

اكتبت كل حبنه عالورق من سنين
ضاع مني الورق وهجرني أكتابـــك

طبيت بيتك مثل ماطببت قبلي بي
صدفة واشم عطر الخيانة بثيــــابك

هسه أعرفت ليش تجرجر بضهرك
بين موقفك وياي ولاحظت ذئابـــك

شفت بيك الخطورة وما جنت ادري
تحد روحك عليه وتبرز بوجهي انيابك

تماهلت وياك حسبالي بعدك تحبني
تالي صرت ماأميز خطأك من صوابك

يمكن هسه أعرفت انته عايش بجنة
بس تنتضرك ناري لان ثكل حسابــك

متغطي بقناع وتريد تلعبني بكلامك
بان موقفك حبيبي يله أنزع حجابك

شنو الي سويته حتى ماارضــــيك
وشنو الي ارضي بي حضرة جنابك

لاتظل ساكت فهمني شنو الموضوع
لاتظل ساكت ولك وانطيني جوابك

يمكن انته متقصد تموتني بأيـــدك
و ترتاح من تشوفني مدفون بترابك

.................................................. .

تحيااااااااااااااااااااااااتي ان شاء الله يعجبوكم حبايب
hauhv uvhrdi pf .ug ujhf tvh; jt,j;l


كلمات البحث

العاب ، برامج ، سيارات ، هاكات ، استايلات





hauhv uvhrdi pf .ug ujhf tvh; jt,j;l

رد مع اقتباس
إضافة رد

مواقع النشر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

Rss  Rss 2.0  Html  Xml  Sitemap 

Bookmark and Share


الساعة الآن 10:15 PM.


Powered by vBulletin® Version 3.8.7
Copyright ©2000 - 2014, vBulletin Solutions, Inc. Trans by
This Forum used Arshfny Mod by islam servant
اختصار الروابط